Å vere lærar er eit svært givande, men slett ikkje enkelt yrke! Vi veit alle at ein av og til treng eit ekstra par auge, øyre og hender. Som ein del av målet vårt om å gjere kvardagen enklare for lærarar vil vi hjelpe deg å samarbeide med kollegaene dine, anten det gjeld å lage ei prøve saman, følgje med på ei pågåande prøve eller få ei ny vurdering av ei retta oppgåve.
Samarbeid om å lage prøvene
Av og til vil du kanskje at ein kollega skal sjå gjennom ei prøve du har laga. Eller du kan hjelpe ein kollega ved å gi dei ein kopi av prøva di som dei kan endre og bruke med elevane sine. Nokre skular deler til og med grupper av prøver innanfor ei faggruppe som ein «prøvebank» dei kan hente frå.
Del prøva enkelt direkte frå prøvelista di:
Samarbeid om å følgje med på prøvene
Følg med på ei prøve saman med kollegaene dine! Om mange elevar tek ei prøve samtidig, er det nyttig å vere fleire som kan handtere chatten og svare på spørsmål frå elevane, eller berre halde auge med framdrifta til kvar elev.
Funksjonen er også gull verd om du blir sjuk og må dele ei prøve med ein kollega som kan gjennomføre ho for deg.
Slik gir du ein kollega tilgang til å følgje med på prøva:
- Klikk på prøva i prøvelista.
- I oversiktsvisinga for prøva klikkar du på «Del»-knappen.
- Vel kva kollegaer du vil dele prøva med. Dei får eit varsel, og prøva blir lagd til i prøvelista deira.
Samarbeid om å rette prøvene
Når prøva er levert, kan du dele ho med alle elevsvara direkte frå fana Resultat ved å klikke på «Del»-knappen. Deretter kan du samarbeide med ein kollega om å rette prøva, til dømes ved å dele opp spørsmåla mellom dykk eller få ei ny vurdering av rettinga di. Ved å leggje til ein «lærarkommentar» kan de samarbeide om rettinga utan at elevane ser kommentarane.
Sei gjerne frå om du har spørsmål eller tilbakemeldingar på desse funksjonane – vi er her for deg! Lykke til med samarbeidet!
Med automatisk retta digitale prøver brukar du mindre tid og krefter på retting. Les meir om Exam.net som di løysing for digital vurdering.
