Mange skular går over frå penn og papir til digitale verktøy for ulike typar vurdering. Det har mange fordelar, men den raske utviklinga av generativ KI gjer det endå viktigare å finne verktøy som er robuste, sikre og tryggjer fagleg integritet.
Vi spurde Martin, leiar for IT og sikkerheit, kva ein bør tenkje på når ein vel ei prøveplattform med påliteleg tilsyn.
1. Fleire tilsynsfunksjonar
Når du vel ei prøveplattform, er det avgjerande å sjå på kor sterke og varierte tilsynsfunksjonane er. Exam.net legg mykje arbeid i dette og tilbyr tre nivå av sikkerheitsinnstillingar. Lærarane har ei oversiktsvising der dei kan sjå tekstane til elevane i sanntid under prøva. I bakgrunnen har Exam.net fuskeoppdaging som køyrer på serversida. Slik kan vi i det stille oppdage og varsle lærarar om mistenkt fusk, mellom anna bruk av spesialprogramvare, delt skjerm, forsøk på å hacke tilsynsprogramvara og meir. Alle desse funksjonane verkar saman som ein mekanisme for å hindre fusk.
«Vi kan sjå korleis svara har vakse fram, og oppdage mistenkelege hendingar. Om vi til dømes mistenkjer bruk av spesialprogramvare eller ChatGPT, får læraren eit varsel»
Martin, leiar for IT og sikkerheit
2. Nivå for tilsyn
Det kan vere lurt å velje eit digitalt verktøy med fleire nivå for tilsyn, alt etter kva slags arbeid elevane skal vurderast på. Exam.net tilbyr fleire sikkerheitsnivå, frå open bok, via tilgang til bestemte nettadresser og andre vedlegg, til høg sikkerheit med nedstengingsmodus som hindrar elevane i å forlate fullskjermsmodus under prøva.
«Lærarane har full kontroll over sikkerheitsinnstillingane. Ein lærar kan til dømes gjennomføre arbeid i klasserommet eller lekser via Exam.net for å gi elevane eit miljø utan distraksjonar når dei arbeider med oppgåvene»
Martin, leiar for IT og sikkerheit
3. Sikre at personvernreglane blir følgde
Det er viktig å ta omsyn til personvernreglar som GDPR, FERPA, COPPA og SOPIPA. Med Exam.net kan lærarar og institusjonar vere trygge på korleis personopplysningar blir handterte. Exam.net legg vekt på å hindre fusk i sanntid utan videoopptak eller andre inngripande tiltak. Denne tilnærminga gir minst mogleg personvernutfordringar og tek samtidig vare på integriteten i prøveprosessen.
4. Tilsyn som fungerer på alle einingar
Ein viktig ting å tenkje på for alle prøveplattformer er om dei støttar mange ulike einingar. Exam.net er laga med dette i tankane og sikrar at sikkerheitskrava blir oppfylte på PC, macOS, iPad, Chromebook og i blanda miljø. Det er viktig å halde oppe eit rettferdig prøvemiljø for alle elevar, uavhengig av eining.
5. Fuskehindring laga for lærarar
Når du vel eit digitalt verktøy, er det lurt å tenkje på kor brukarvenleg grensesnittet er. Lærarar har ikkje tid til teknisk programvare som er tung å lære seg. Det må berre fungere!
Vi veit at det er vanleg at elevar «kikkar» på sidemannen, så vi har utvikla forsvar som tilfeldig rekkjefølgje på spørsmåla og å skjule svar når ein elev er ferdig med eit spørsmål. Å gå over til digitale prøver med tilsyn kan gjere vurderingsarbeidet mykje enklare for skular og lærarar.
Konklusjon
Når du vel ei digital prøveplattform med tilsyn, er det mange faktorar å ta omsyn til for å sikre integriteten på prøvene. Exam.net tilbyr ei heilskapleg løysing som kombinerer avanserte sikkerheitsfunksjonar med brukarvenlege grensesnitt. Med Exam.net kan lærarar trygt gjennomføre prøver, i visse om at kvar vurdering skjer rettferdig og nøyaktig, anten i klasserommet eller på avstand.
Følg elevane i sanntid under ei prøve og sikre fagleg integritet med ulike sikkerheitsnivå. Les meir om digitalt tilsyn med Exam.net.
