Vi gler oss over å lansere integrasjonen mellom Exam.net og Microsoft Teams! Når samarbeids- og kommunikasjonsfunksjonane i Microsoft Teams blir kombinerte med den kraftige prøveplattforma i Exam.net, blir heile prøveprosessen enklare og meir effektiv for både lærarar og elevar.
Kom inn på prøva med eitt steg mindre
Som vi alle veit, er prøvesituasjonar stressande for både elevar og lærarar. Ein måte Exam.net prøver å motverke det på, er ved ikkje å ha elevkontoar, men i staden bruke ein prøvenøkkel som læraren deler ut. Det minskar risikoen for problem med gløymde innloggingsopplysningar under prøva.
Likevel kan sjølv dette steget vere litt tungvint, og med integrasjonen med Microsoft Teams kan elevane enkelt kome inn på prøva ved å logge inn med sin eigen Teams-konto i staden for med prøvenøkkel. For eleven er det så enkelt som å klikke på ein knapp i Teams, og så er dei rett inne i prøvemiljøet. For lærarane fjernar det rett og slett eitt steg i arbeidsflyten!
Del resultat med eitt klikk
Integrasjonen gjer det også enklare enn nokon gong å dele prøveresultat og tilbakemeldingar med elevane. Du kan velje om du vil rette i Exam.net, eller om du heller vil eksportere og rette i Teams. Uansett kva du vel, er det berre eitt klikk for å dele resultata med elevane når du er ferdig. Elevane får då resultata direkte i Teams-appen sin!
Betre kommunikasjon med elevane … og meir
Ei anna spennande side ved integrasjonen er dei nye moglegheitene som opnar seg når prøva er eksportert. Lærarane kan bruke dei innebygde funksjonane i Teams til alt frå vurdering med vurderingsrettleiingar og analyse til å ta kontakt med elevane for å be om avklaringar, stille oppfølgingsspørsmål eller gi tilbakemeldingar. Denne nye kommunikasjonskanalen gir elevane høve til meir personleg tilpassa tilbakemeldingar og dermed ei djupare forståing av faget.
Med automatisk retta digitale prøver brukar du mindre tid og krefter på retting. Les meir om Exam.net som di løysing for digital vurdering.
